Marco para a integración da IA xerativa nas tarefas educativas (MIAE)
Seis formas de repartir o traballo entre a persoa e a IA. O MIAE permite describir con precisión que achega cada parte nunha tarefa educativa. Non mide a calidade, o esforzo nin a aprendizaxe.
MIAE serve ao alumnado e ao profesorado para describir o uso de IA xerativa, acordar como se pode utilizar nunha tarefa e explicar o proceso seguido.
Delimita a tarefa
Indica quen a realiza e que produto ou compoñente estás clasificando: un informe, a súa ilustración ou a análise dun texto.
Observa o proceso completo
Describe que achegou a IA e que fixo a persoa con iso. A primeira petición, a cantidade de texto ou o número de mensaxes non determinan o nivel.
Explica a clasificación
Xustifica o nivel pola repartición do traballo. Se hai fases ou compoñentes diferentes, declara os niveis de cada un; non escollas automaticamente o máis alto.
Os niveis describen unha repartición do traballo. Un nivel máis alto, ou máis baixo, non significa máis calidade nin máis aprendizaxe; tampouco hai que pasar polos anteriores.
